دموع التوبة - للشاعر الشاب السيد انور ابراهيم

زرعت فى أرضى أنا توتة
وكنت يوماتى أنا حارس
قاعد جارها أنا أكتب
سطور وحكاوى عن فارس
وجاتنى هدية بنوتة
بتحلم لما يوم تكبر
تسقى التوتة فى مارس
وفى لحظة لقيتها نعسانة
جار التوتة ......وتعبانة
بتسأل بابا ....لية راحت
فروع الشجرة دبلانة ...
أنا والتوتة والقصة
مابينا حكاية أة لسة
هنبداء نحكى فى سطورها
ونعرف .........لية تعبانة
مريضة الكلمة جوه الجوف
وحيدة الضمة خايفة تطوف
ولو نحكى وجعنا نشوف
قلوب الخلق ........غرقانة
عشان الدم فى الشريان
أخدنا الصبر يوم عنوان
رسمنا الحلم تحت التوتة
ورش الضى كل مكان
مين المسجون..مين السجان
مين المسؤول عن الحرمان
مين المسؤول عن الشجرة
ينام الفرع لية عطشان
شربنا الصبر لاجل نفوت
حلمنا نعيش فى ضل التوت
نبنى مدارس جنب بيوت
ونقول يافارس شد اللجام
أركب حصانك وبالعزم فوت
وفى الغابة حاسب مرة تدوس
حلم الغلابة وتقتل نفوس
عايشة ماتملك للغد قوت
غير الندى فوق ورق التوت
عايشة ماتملك فى يدها
حق الكفن .................
لكن مناها فى أرضها
ترقد تنام .......وتندفن
..
{{ دموع التوتة }}
بقلم الشاعر السيد أنور إبراهيم