شجرة تين مزروعة - للشاعر المبدع محمد ابو فرحه

ياشجرة تين مزروعة في ارض الجد...جذورها دي في سابع ارض ودوم تمتد...
وانا من كثر محبيتها تعبت بجد...وعمري بقيت بالساعه احسبله واعده عد....
وجدي سابها مخضرة ..طارحة دموع دموعها ترد...طارحة تينها ده للغير...
وكمان للطير ولا بتصد...ياريت جدي م كان سابها ..وفضل مزروع في ترابها
فضل يحكيها حدوته لاولاده .. على امل ترجعله في يوم المد.....بس المد ده طول
وجدي مات باحزانه وقلبه تهد......واتقسم ميراث جدي على والدي ....
الي فضل يحلم بحلم تسد...مفيش ولا باب جهاد يفتح.... والكل حارس حدوده
ومفيش ولا رد....وبقينا نحرس الاعداء .... نحرسهم من الدخلاء ..ونفسحهم في بلادنا
فردا فرد.......مات جدي ومات والدي وجه دوري ....وعشنا سياسة التجويع
....وصدرو لينا ربيع ..بيقولو ربيع تحرير.. ايدين سوده وبخار مسموم...
للعقل العربي التايه ..والمعدوم.. وبقيت ابعث حنين محروم... وانا المعدوم
لشجرة تين... واقول سامحيني يا صامدة....وقيمي الحد... تعبت بجد...
وانا المسجون ..وانا المأسور ..وانا الدم الي بات مهدور ..وانا الي عشت عمري
بور ...وكمان مبتور.. واحزاني بقت تمتد..بقيت تايه ما بين وطني ..واوطاني
وزاد همي.. وزادت برضه احزاني ..على اوطان بتتفكك ..واقول يارب عدلها من المايل
...وانا بضعفي... منيش طايل... شيء ملموس ..ولا دمعي حينفع حد ..تعبت بجد

...

بقلمي - محمد ابو فرحه