فوق الحيطان - للشاعر الشعبي السيد انور ابراهيم

فى الناى أنين والصوت سجين 

عازف ..........وشايل الوجع
فوق الحيطان نام الكمان
مسكين ياعينى ع الجدع

ع اللحن قام يعزف وقالى
أسمع حكايتى كلها
وف كام مقام ...........
فى النوتة شاور عنها

رسم المعانى بدمعتة
بس القدر قال كلمتة
خطف الحبيبة واللى باقى
صورة هناك فوق الحيطان

راحت وسابت غنوتين
غنوة فرح لما إنطرح
همس الأمانى بالحنين

كانت هنا تلعب تملى ع الجيتار
تعزف تغنى ........لحن التمنى
واللحن كان شمس النهار.......
واللى ظلمنى كان الأحتضار
خطف الحبيبة واللى باقى
صورة هناك فوق الحيطان

مقسوم فراقنا والقدر ..........
كان بس بارع .................
لية أفتراقنا وللخطر أزاى أمانع

كل الخطاوى فى سكتى
وأعزف غناوى فى وحدتى
وأنام يوماتى بدمعتى
وكأنى ...........ضايع

أنظر بعينى ع اللى باقى منها
ألقى الحيطان شايلة ملامح ننها
وصوت فى المكان .................
بيهمس بحرف أسمها...............
روحها أكيد ........... مش بعيد
راجعة .................تكمل لحنها

(( فوق الحيطان ))

بقلم الشاعر/السيد أنور إبراهيم