قولي يا قمر - للشاعر المبدع طارق الصباغ

قولى يا قمر
هتطلع تانى تانى تانى وﻻ ﻻ
هتنور ليلى تانى تانى وﻻ ﻻ
الفرقه صعبه يا قمر وانت وحشنى
الفرقه صعبه يا قمر يا ريت تشوفنى
تشوف ايه اللى بيا ايه اللى فيه وايه جرالى
وتحس بنارى وشوقى ليك وترحم حالى
هتطلع تانى تانى تانى وﻻ ﻻ
هتنور ليلى تانى تانى وﻻ ﻻ
وحشنى جدا يا قمر وحشنى موت
وحشنى جدا يا قمر يا ريت تفوت
تفوت على دنيتى على حتتى على رمش عينى
وتنور ليا وحدتتى وايام سنينى
هتطلع تانى تانى تانى وﻻ ﻻ
هتنور ليلى تانى تانى وﻻ ﻻ
فرحنى مره يا قمر وطل عليه
فرحنى مره يا قمر وارحم شويه
خليك معايا مره والله وحشنى نورك
يا ساكن فى العلالى انا نفسى اطير واطولك
هتطلع تانى تانى تانى وﻻ ﻻ
هتنور ليلى تانى تانى وﻻ ﻻ
فاكر مكانا يا قمر وﻻ اتناسينا
فاكر مكانا يا قمر وامتى تيجينا
تعوض اللى فات من عمرنا من غير وجودك
دنيتنا صعبه وليالينا بتحلم بنورك
هتطلع تانى تانى تانى وﻻ ﻻ
هتنور ليلى تانى تانى وﻻ ﻻ
قولى يا قمر
...
بقلمي - طارق الصباغ ابومحمد