كفاية خلاص - للشاعر المبدع طارق الصباغ

خلاص قلبى إتعود على بعدك
بقى سهل يعيش من بعدك
واعدته كتير ونسيت وعدك
بكفايه خلاص
خلاص عمرى ما هرجع ليك تانى
وفهمتك كده اه يا أنانى
عايزنى أرجعلك ليه تانى
بكفايه خلاص
حبك حاله وخلاص عدت
وصبرت كتير لكن عدت
وسنين من عمرى عذاب مرت
بكفايه خلاص
مشكلتك إنت شايف نفسك
مش عايز غير اللى فى نفسك
وأنا خارج بقا من مدرستك
بكفايه خلاص
علامك ليه دا كان فايده
دا نار حبك في قلبي كانت قايده
عا يزنى أرجع دا مفيش فايده
بكفايه خلاص
وداع يا سبب جراح قلبى
وداع أنا شلتك من قلبى
وماعدش يهم تكون جنبي
بكفايه خلاص
...
بقلمي - طارق الصباغ ابومحمد