برواز صور - للشاعر المبدع السيد انور ابراهيم

 أنا إبن النيل .......
وجدى مدفون هنا
والمصرى أصيل ....
والروح تهون لاجل العيون
تنظر تشوف نور فجرنا...
أناجدى نام جنب الهرم
زرع المبادء والقيم .....
وع المقام هفهف علم
جمع الحضارة فى عهدنا
وفات التراث مجد لينا....
جمع الجنود......طرد اليهود
والحق حتما يوم يعود.......
والأرض توبنا وعرضنا
أنا عمى كان بحروا غويط
ع السر كان راسى وحويط
عمل المعادلة والدراسة .....
ما ساب دليل فى الكراسة
بارع حقيقى فى التحنيط
أنا إبن مصر أم الرجال
أنا جدى مات جوه القنال
أنا عمى قال نخسر محال
دالأحتلال صعب ومخيف
أنا أخويا قام يوم العبور
طاير مع سرب النسور..
حدف الحبال فقوق الرمال
أغتال فى لحظة بارليف
أسال بلال ....أسال الخال
وشوف ياعم عزم الرجال
لما فى ثوانى شقوا القنال
وعلمنا هفهف فوق الرمال
عاد اللى عاد..................
والتانى نايم حاضن سلاحة
مكوى الفؤاد .................
بس الشهادة وسام نجاحة
جوه البرواز كام صورة
منقوشة بإسم الأبطال
ومعانى فى عشقك محفورة
يامصر أنساكى محال .....

...
[ برواز صور]
بقلم الشاعر/السيد أنور إبراهيم