واتمكنتي - للشاعر المبدع سامح لطف الله

ليه مش عارف أبعد عنك؟
جوة القلب سكنتي ونمتي
دقة بدقة بتجري في دمي
ملكة وقاعدة واتمكنتي
غلطة وكانت أيوة ومني
لمَّا سمحت لقلبي يحبك
ويدوب أيوة صبابة ف حبك
ويدوب مرة ف سحر رموشك
ويتوه جوة العين والنني
تفاح خدك يخطف روحي
ولاَّ الشفة اللي تجنني
ولاَّ قوامك لمّا بتمشي؟
هوه دلالك لمَّا تحنِّي
يوم ما تهزي كياني بلمسة
ولمَّا تجوري وتبعدي عني
ولاَّ دلال الكون ف عنيكي
لمّأ الهمسة "قرَّب مني"
صعب عليَّ ان أبعد عنك
عايشة ف قلبي واتمكنتي
---
بقلمي - سامح لطف الله