امي الحبيبة - للشاعر المبدع طارق الصباغ

امى الحبيبه
مهما اقول عنك يا امى مش هاوفي
حتى لو قولت سنين
رحمه الله عليكِ يا امى وعلى كل اموات المسلمين
تحيه للى بنقول عليهم جيل قديم
تحيه ليكِ  يا امى بكتبها بدمع العين
تحيه للناس اللى تعبت علينا
وربونا من تعبهم وشقى السنين
الناس اللى من غيرهم قلة البركه
وبقينا فى حرب مع السنين
راح الخير معاهم وراحة البال
واليوم اللى كان بيعدى فيه بسمه
كان فيهم الخير والبركه 

ولقمة حلو بلقمتين
رحمه الله عليكِ  يا امى وعلى كل اموات المسلمين
حرمتوا نفسكوا من كل حلو
علشان تشفونا مبسوطين
وللاسف البعض فينا مش موفى حقكم
وﻻ حتى فاكر انتوا  مين
فينا اللى قاسى واللى جارح
واللى فاكر انكم عشتوا معاه مقصرين
لكن والله العيب علينا
كانت قلوبكم كلها طيبه وحنين
رحمة الله عليكِ يا امى وعلى كل اموات المسلمين
وحشنى صوتك يا امى وطبطبتك عليا
ودعوه منك يا امى بتحلى الدنيا ديا
انا والله ياامى كل ما تيجى سرتك احس انى ناقصنى العالم واللى فيه
اسرح معاكِ وافتكر اللى انتى كنتِ بتعمليه 

اعرف اد ايه احنا كنا معاك مقصرين
رحمه الله عليكِ  يا امى وعلى كل اموات المسلمين 

...
بقلمي - طارق الصباغ ابو محمد
اهداء الى كل من حرم من الحنان اللهم اجعل امى من اهل الجنه