وجاي بقسوه تسألني
بتطلع مين؟
ودمع القلب غرقني
علي قسوة قلوب خاينين
إجابتي عكس تكوينك
وتكوينك ،، سكن شياطين
أنا إنسان !،،،
.......
انا إنسان في كون فاسد
لكن صامد علي المحنه
انا اللي بغدركوا إتحني
وبان جامد
انا الصوره اللي في البرواز
وحاسس انها مراقباك ،،،
انا اللي رفضت ابقي إزاز
واكون بين الإدين ،، اشواك
انا الشباك في احلامكم
وفاتح درفته وباعد
تشوفوا منه أفراحكم
ووقت الهم ،، نتواعد
انا الباب اللي دخلكم
في دنيا ظلام
انا غصن الزيتون لكن ،،
في دنيا آلام
انا سلم يطلعكم ،،
علي الاحلام
انا اللي بان في اطماعكم
حياتي حطام
انا الشارع ،،
انا الضايع ،،
وانا اللي عشقت في الايام
اكون خاضع
ومش مغرور
انا اللي بفضل من ربي
في عز الضيق ،، أبان مستور
انا المفتاح لباب بكره
انا في عيون كتير،، فكره
انا الطالع في فنجانكم
وكفي بحقدكم ،، مبتور
انا الساكن وجع روحكم
انا اللي سكنت ملامحكم
سنين وشهور
انا الباني عماد بكره
وسبتوني في اخر دور
انا الضحكه اللي بدموعها
باكون باين جريح مكسور
انا الماضي ،،
ولو جاني الوجع بكره
هاكون راضي ،،
لكن عن نفسي مش راضي
وانا اللي عشت في حياتي
مابين ميت سور
انا المكتب عشان تقرا
انا الكراس في مدرستك
وعمري في يوم مادبستك
في وصل النور ،،
ولا الميه !!
انا كروان وإمريه
انا العصفور
انا اللي بفضل نكرانكم
حزين مقهور
انا الغرقان في وسط بحور
ومش عوام
انا مجرد حروف عله
وجاني بحقدكم ،، عله
وانا اللي اتخبي وسط سطور
انا حرف اتكسر منكم
ومات ملقاش لنفسه قبور
بتطلع مين؟
ودمع القلب غرقني
علي قسوة قلوب خاينين
إجابتي عكس تكوينك
وتكوينك ،، سكن شياطين
أنا إنسان !،،،
.......
انا إنسان في كون فاسد
لكن صامد علي المحنه
انا اللي بغدركوا إتحني
وبان جامد
انا الصوره اللي في البرواز
وحاسس انها مراقباك ،،،
انا اللي رفضت ابقي إزاز
واكون بين الإدين ،، اشواك
انا الشباك في احلامكم
وفاتح درفته وباعد
تشوفوا منه أفراحكم
ووقت الهم ،، نتواعد
انا الباب اللي دخلكم
في دنيا ظلام
انا غصن الزيتون لكن ،،
في دنيا آلام
انا سلم يطلعكم ،،
علي الاحلام
انا اللي بان في اطماعكم
حياتي حطام
انا الشارع ،،
انا الضايع ،،
وانا اللي عشقت في الايام
اكون خاضع
ومش مغرور
انا اللي بفضل من ربي
في عز الضيق ،، أبان مستور
انا المفتاح لباب بكره
انا في عيون كتير،، فكره
انا الطالع في فنجانكم
وكفي بحقدكم ،، مبتور
انا الساكن وجع روحكم
انا اللي سكنت ملامحكم
سنين وشهور
انا الباني عماد بكره
وسبتوني في اخر دور
انا الضحكه اللي بدموعها
باكون باين جريح مكسور
انا الماضي ،،
ولو جاني الوجع بكره
هاكون راضي ،،
لكن عن نفسي مش راضي
وانا اللي عشت في حياتي
مابين ميت سور
انا المكتب عشان تقرا
انا الكراس في مدرستك
وعمري في يوم مادبستك
في وصل النور ،،
ولا الميه !!
انا كروان وإمريه
انا العصفور
انا اللي بفضل نكرانكم
حزين مقهور
انا الغرقان في وسط بحور
ومش عوام
انا مجرد حروف عله
وجاني بحقدكم ،، عله
وانا اللي اتخبي وسط سطور
انا حرف اتكسر منكم
ومات ملقاش لنفسه قبور
...
بقلم .. وجدي محمود الشناوي
كلام جميل ان اشعر بالناس واحس فيهم واكون واحد منهم اواسيهم في محنتهم واقف معهم في شدتهم واكون لهم معين اهم شيء في الموضوع ان لا احس نفسي ان متمايز عنهم واختلف عنهم واني معجون من عجيبه غير عنهم فخير الناس هو من ينفع الناس ولا يؤمن احدكم حتى يحب لاخيه ما يحب لنفسه بوركت شاعرنا القدير كلماتك جميله واحساسك رائع في الحرف والكلمه وان شاء الله النوايا صادقه وكل شيء في ميزان حسناتكم
ردحذف