موناليزا - للشاعر المصري ا. حمدي توفيق

ها أحترمة
لو حبك بقى ماضى
راح أحترمة
لاْنى فى يوم حبيتك
ومهما بعدنا ما نسيتك . 

ودة عادى ما هو أنتى الروح… 

وأنتى النبض لفؤادى 

ومش محتاجة منى دليل
وفى البعد راح أحترمك..

ما هونتى كنتى حد جميل…. 

ودا مرادى وصفحتك مش
راح أطويها… أحاسيسك
هبروزها وأسميها
موناليزا….. وأنا راضى
ها أحترمة وأحترمك
لانك بادلتينى شعور بشعور

وكنتى فى دهاليزى 

وظلماتى ياعمرى النور
وكنتى الوصل لودادى
أنا بكتب لأنى
مدين ومش …. داين
وأهاتك تترسم كلمة تقول 

حبيبى مش خاين ودة باين .. 

عشان حاضر ومش ماضى
يا ساحرة الكل فى غيابك
وفى حضورك…. هنا أسمك
هنا رسمك وبين ضلوعي
مكان عودك يا نبض
بيسرى فى فؤادى
لوحبك بقى
ماضى .. ها أحترمة
وأحترمك.. يا سر
النبض …. لفؤاااادى ……!!
...
بقلمى (( الأستاذ المصرى ))
(( حمدى توفيق ))