شنطة ذكريات - للشاعر الشاب السيد انور ابراهيم

ساعة رايحة وساعة جاية
والقطر واقف في المحطة
نفس الثواني بتمر هية.....
ولسة واقفة في إيدي شنطة
فيها أحلامي…وحكايتي
فيها عمري ودنيتي……
فيها أيامي ونهايتي.
وعليها تشهد شنطيتي
فيها أول كلمة قالها
ليا فوق السطور……
لما قال هوا لعنيا…
أنتي من بنات الحور
لما جاب الدنيا ليا
وخدني بإلاحساس لفوق
طفي شمع كان منور
لما ليا بس صور……
قلبي مش قادرتصور
يصدق إنة جوه طوق
قال هبيع صورك وأعدي
أصل عشق المال دا شوق
كنت واهمة نفسي بية
كان سحرني هوا لية
أصلة كان تاجر قلوب…
حطم الحلم اللي فية
أرتوي بنور الدروب
فرع معوج للأسف
ضروري كلة يكون عيوب
مهما تعدل أنت فية
صعب تقدر تلاقية
ضحي يوم لأجل المحبوب
واللي يصعب بس أكتر
لما بسرح ولا أفكر
بلقي نفسي كنت طفلة
فجائة نزلت علي غفلة
بحر كلة ألم وعيوب…
هوا فاكر قلبي سلعة
يشتريها…… ويساويها
لما تبقي ناري ولعة
لما يحرق كل حاجة
لأجل ينظر بس دمعة
لما يكسر قلبي وقلوب البنات
لما يخلق ليا………… سمعة
وأنتهي وأنا بس شايلة
شنطة فيها ذكريات
فيها صورتة اللي ليها ألف وش
م الخداع والكداب والله والغش
رسالتي بس كتبتها
لكل بنت من البنات
خطاوينا نحسب ليها
لأجل ماندوقشي الأهات
(شنطة ذكريات)
بقلم الشاعر / السيد أنور إبراهيم