خواطر مثالية في واحة مصرية

خواطر مثالية في واحة مصرية اسم لمع في قنوات التواصل الاجتماعي على صفحات الفيس بوك فنحن نتميز بأداءنا ومجموعتنا تحتوى على نخبة من كبار الشعراء ورواد الفكر وعشاق الكلمه وكبار الادباء

الأحد، 16 يوليو 2017

رساله بدمع الصبار - للشاعر الشاب السيد انور

كل حرف من الحروف
ولون الدم فى خيالى.....
والسطور ساكنها خوف
والوجع جوه الأهالى.....
هنعى مين ولا مين.
والشهيد دة حتة منى
أخوايا هوا وإبن خالى
كتير بثور..........؟
وف إيدى غضبان القلم
لمابزور كل القبور ....
وألقى هناك مرفوع علم
هناك ياناس راقد شهيد
واليوم وصل عريس جديد
دأنا قلبى والله لو حديد...
م الحزن لأزم ينقسم........
أضرب ياعم كم طلقة لية
خلية لقبربة يدخل أوام.
خلينى أقفل الباب علية.
وأقول ياأخوايا نام فى سلام
لكن دقيقة لو تسمحولى .
فين السلام بس قولولى .
وصوت الرصاص قتل الربيع
وطبع على كف الرضيع.
يصبح وحيد يبات يتيم
وأم البطل تصرخ تضيع
الصبر ياأما ربك رحيم
قادر يعوض يوم عليكى
ويطفى النار اللى فيكى
وتشوفى الرضيع ماسك إيديكى
وبيقول ياتيتة إفرحى .......
أبويا راح عند الكريم .
وأنا فوق سطورى ........؟
بهديكى كم زهرة صبار
إطمنى وإدعى دعاكى
راح يبقى نور وإتحملى
علشان ياأمى تكملى
دا مين فى الحياة مننا
لساعة القدر ياأمى أختار.
...
{ رسالة بدمع الصبار }
بقلم الشاعر/ السيد أنور إبراهيم

هناك تعليق واحد:

  1. تحيه لكل شهداء مصر وتحيه لاهالي الشهداء وتحية لام الشهيد اللي ودعت ابنها ودموعها في عنيها لاجلك يا مصر كل شيء يهون فداك الولد وابو الولد كل شيء من اجلك يهون منصوره يا مصر باذن الله منصورة ولن يتستطع الارهاب كسر ارداتنا وستبقى مصر شامخه بجيشها العظيم واهلها الطيبين ورايه الحق باذن الله دائما مرفوعه

    ردحذف