كثروا الغلابه - للشاعر المصري حمدي توفيق

كتروا الغلابه يابلد
والهم ........ شايلينه
وزاد همومهم هم،
ماكانوا ...... حسبينه
لما لأوكى مشاع
ف طريق ما عارفينه
آه يازمن غدار
اللى يقع ع الأرض
تكتر سكاكينه ..
~~~~~~
كتروا الغلابه صحيح
بس الضمير .... .. واعى
حالفين يصونوا الأرض
من عقل مش ..... واعى
غايب عليه الحق
وبجهل غريب .... ساعى
ينعق كما الغربان
بداعى ودون ...... داعى
~~~~~~
كتروا الغلابه والمشكله
مش ........... جووووع
المشكله قنبله فى العقل
مزروعة وليها
صوت مسموع
قتلت ضماير بشر
فى قرى .......... ونجوع
فيها الغلابه كتير
ملهمش صوت مسموع
~~~~~~~
إجنا غلابه بجد مع
إننا منخفش يوم من حد
كنا غلابه زمان
يومها بنينا ......... السد
بس أحنا نتوحد
كل الجبال .......... تتهد
لو قولنا هنعمر
مليون ذراع ....... تتمد
~~~~~~~
آه ياوطن موجوع
وجعك .......... بيوجعنى
أنده وأقول ياخلق
ولا حد............. يسمعنى
موجوع ووجعى وطن
فيه الخسيس .... باعنى
بس إحنا عارفينه
فى (اليك)......حبسيينه
خسيس وأيه يعني يعني ..!!!
...
بقلمى - الاستاذ المصري - الشاعر حمدي توفيق