وليه نحتار - للشاعر الشاب السيد انور ابراهيم

كتير الحلم جمعنا
وسمانا ياخال عشاق
وقال فينا كتير معنى
وفاتنا ندوب مع الأشواق
قسمنا الخيط ما بينا سنين
وشال الحيط أمال وحنين
وكان الصبر زاد لينا
ولما العمر فات بينا ...
رجعنا أنا وأنتى لنفس اليوم
نقلب تانى فى المكتوب
وتكسرنا أهات ساكنة
وحنين ...... موجود
وتجمعنا حاجات باقية
بتسألنى تعالى نعود
ولسانا داخل ساقية
بتروينا وفاء وخلود
قسمت بربى بتألم
من الدمع والأحزان
راح أموت وأنا لسة بتعلم
أكون قادر أعيش فى أمان
أنا وأنتى ع المنصة
واقفين ودموعنا لسة
بطنطق ......بالأمان
بتقول فاكرين زمان
لما بدأنا الحكاية .
وكتبنا أحلى قصة
دلوقتى ما بينا بيحكم
القاضى .......والقانون
وأية يمنع نعود تانى
نجدد فرح أيامنا ....
تغنى أنتى ألحانى
تقولى المعنى بالهمسة
وأشوفك فى الهوى نسمة
حاضنة فجر ......أحلامنا
أنا وأنتى وتر ......واحد
بلاش قلبك يكون جاحد
بلاش دلوقتى تاخدى قرار
بلاش تنفينى خارج الأسوار
دا أنا زادى حروف الأشعار
وفى الوادى زارع صبار....
ومين عالم ...غير الستار
بصدق مشاعرى..ولية نحتار.؟
...
{ ولية نحتار }
بقلم الشاعر - السيد أنور إبراهيم