نفسي أموت
~~~~~
نفسي أنسى كل شئ
و انسى أني طير برئ
نفسي أرجع م الطريق
اللي واخدني بلاد سقر
مش لازم حتى أفتكر
أني في حياة مع دا البشر
حتى المودة بتنتحر
على كوم وجع
مش قادر أنطق أي صوت
حاسس إني راح أموت
مشنوق بحبل من مسد
طوق حديد بيشدني
و النار بتاكل جتتي
جسمي أتهرى من نار خداع
م الكل باع
و الجرح نازف بالأم
صاحبي اللي خاني في حبها
نزع العشم ......
بسلاح طعني في عزتي
كسر فروض الاحتمال
زي الغزال و لا حس
حتى بوحدتي
الحب أصبح شئ رخيص
و الصحبة حالة من عدم
حالة ماضية في الندم
و تقولوا برضه في دنيتي
مزروع زهور ؟
دي أرض بور كاسيها شوك
من فوق جبال حتى المحيط
عشان عبيط ....
جدا صريح
في دنيا فيها الصدق
شئ مخيف
خارج حدود المعطيات
بس السكات
مفروض عليا أكون كده
مزروع على بركان هموم
دول يبقوا أزاي خصوم ؟
أشكي أبوح يا ناس لمين
حبيب قتلني في ليل الظلام ؟
ولا الصديق اللي أفتكرت
إنه الإمام .......
م الكل بان
الكل كان في قلبي جد
و انا أشكي تاني بس إيه ؟
أسود بتشد في قلبي شد
و انا لسه موجوع بالسكوت
كورة الكل نازل فيها شوط
شكيت و قلت يا ناس برئ
و ادي الرفيق
وضعت كل سري فيه
و هان عليه أفضل بليد
و أعيش وحيد
مطرود في حالة م الوهن
مش طالب حتى ودها
خلى الصديق يفضل لها
بس طالب إني أموت
~~~~~~~~~~
بقلم / رمضان العلالقة
~~~~~
نفسي أنسى كل شئ
و انسى أني طير برئ
نفسي أرجع م الطريق
اللي واخدني بلاد سقر
مش لازم حتى أفتكر
أني في حياة مع دا البشر
حتى المودة بتنتحر
على كوم وجع
مش قادر أنطق أي صوت
حاسس إني راح أموت
مشنوق بحبل من مسد
طوق حديد بيشدني
و النار بتاكل جتتي
جسمي أتهرى من نار خداع
م الكل باع
و الجرح نازف بالأم
صاحبي اللي خاني في حبها
نزع العشم ......
بسلاح طعني في عزتي
كسر فروض الاحتمال
زي الغزال و لا حس
حتى بوحدتي
الحب أصبح شئ رخيص
و الصحبة حالة من عدم
حالة ماضية في الندم
و تقولوا برضه في دنيتي
مزروع زهور ؟
دي أرض بور كاسيها شوك
من فوق جبال حتى المحيط
عشان عبيط ....
جدا صريح
في دنيا فيها الصدق
شئ مخيف
خارج حدود المعطيات
بس السكات
مفروض عليا أكون كده
مزروع على بركان هموم
دول يبقوا أزاي خصوم ؟
أشكي أبوح يا ناس لمين
حبيب قتلني في ليل الظلام ؟
ولا الصديق اللي أفتكرت
إنه الإمام .......
م الكل بان
الكل كان في قلبي جد
و انا أشكي تاني بس إيه ؟
أسود بتشد في قلبي شد
و انا لسه موجوع بالسكوت
كورة الكل نازل فيها شوط
شكيت و قلت يا ناس برئ
و ادي الرفيق
وضعت كل سري فيه
و هان عليه أفضل بليد
و أعيش وحيد
مطرود في حالة م الوهن
مش طالب حتى ودها
خلى الصديق يفضل لها
بس طالب إني أموت
~~~~~~~~~~
بقلم / رمضان العلالقة
بعيد الشر عنك صديقي العزيز ما عاشت المرأه التي تهزم قلب الرجل فالمرأه اللي عينها زيغه وكل ساعه بحال دي اصلا ما احد يشرفه تكون على ذمته وتحت عصمته فالرجل دوما يبحث عن امرأه صالحه تكون له ولاهل بيته ستر حافظه لعرضه وتصون شرفه فهي تحمل اسمه فان لم تكن عفيفه وشريفه وطاهره بالناقص فهي ما تلزمنيش حتى لو كانت ملكة جمال العالم فلا تحزن يا صديقي تاكد الطيور على اشكالها تقع ومزابل قوم عند قوم فوائد انجو بنفسك وعيش دائما مرفوع الهامة تمشي وانا امشي وانا امشي
ردحذف