اشارة المرور - للشاعر السيد انور ابراهيم

الاحترام شئ تمام
لما نمشى بالهدوء..
الكلام يبقى بسلام
لما تمشى بالراحة سوق
أحترم بس الأشارة .....
ولما تمشى جوه حارة ...
خلى بالك مش شطارة
ليهونك الناس ياذو ق...
فية صغار فى الحارة تلعب
والأهالى ربت ........وتعبت
وأنت شارب مش فى وعيك
لا يا أسطى أهدى وفوق ....
ع اليمين أمشى برحتك ......
وأشترى نفسك ورحتك .....
لية تسوق بالسرعة دية
وتجيب لنفسك الأذية
ع البنزين دايس كمان
لية ياعم جواك شيطان
ما أنت تاية م البرشام
وتعبت أقولك من زمان
أصحى وفوق كفاية توهان
ع السريع ممكن تضيع
وأنت سارح فى الأغانى
لما تسمع آه ياليل ......
ولا تسمع جرح تانى ..
ولا سعد لما ثار ..........
وغنى فجائة للحمار
لو صحيح غاوى الأغانى
أسمع ياعم شكل تانى
ولا ثومة لما قالت ........
أنت عمرى بصدق المعانى
الموضوع محتاج توضيح
محتاج قلب بجد صريح
مش نمشى نلاقى الأسعاف
بتصرخ والناس مجاريح
راعى ضميرك دأنت أمين
ع الأرواح اللى معاك ......
أصحى لنفسك وأشكر ربك
اللى بنعموا يامة عطاك

...
{ أشارة المرور }
بقلم الشاعرالسيد أنور إبراهيم