ايامي فاتت اوحتى ماتت .لكن ياقلبي عايشها
ياما قالتلي اني بحبك كلمة وياما قالتها
ويشهد لي جبل قاسيون يشهد لي على خيبتها
وما بعرف انها كلمة كانت جوا جعبتها
وقت الي بدها بتحكيها ووقت الجد بتنسفها
لكن قلبي ما اتغير واحساسه كان لعبتها
يا ويلي بعد السنوات يقوم ينكس رايتها
ويا ريتني ما حبيتا ولا مريت بساحتها
ساحاتي كانت تشرين وياسمين شامي ريحتها
وعين الفيجة دمعاتي دمع محبة بصفوتها
وشو بندم على كلماتي كلمة كلمة بساعتها
وما بعرف انه الغدار الكلمة ما بعرف قيمتها
ولولا قلبي قايد نارخسارة الكلمة بحالتها
ويا خسارة كل الاشعار بوحده خانت عشرتها
بدي اعمل شي صيوان جمع ناسي او ناسا
وبدي اعمل شي ديوان يتكلم عن احساسا
كيف الغدر بيتكلم والخيانة تاج راسا
ولو فتحت في يوم كتاب رح كون حرف بانفاسا ،،،وهم وخيال،،،
اجمل قصيدة عاميه باللهجه السورية اقرأها منذ زمن طويل تسلم ايدك شاعرنا القدير وميض خلف الظلال عبرت عن التلاب في الحب والمشاعر باسلوب راقي جدا وكلامك مقنع ويلامس شغف القلب تسلم ايدك شاعرنا القدير
ردحذف