مركب أمل - للشاعر الشاب السيد انور ابراهيم

غروب وشروق يفوت بيا 

ودمع الماضى فى عنيا ..
وأنا قاعد جار الألبوم ...

أشوف بعيونى كام صورة
وأقول ماكنتشى مغرورة
أعاتب مين دا قدر مقسوم

لا أنا قاضى ......ولا جلاد
ولا حاكم ......بسيف ماضى
خلاص الورد. جف ومات.....
لمين هزرع ..........يابلادى

أفوت الصورة ورموشى.......
مابين الدمع. غرقانة..........

ولما الذكرى توجعنى ....
وتقتل. ..... فجر. أحلامى
أنام وروحى ......مكسورة
ونار الوحدة قتالنى......

أقول للموج راح .......أركب
وأصمم م الأمل ......... مركب
وأجدف للحنين جايز...........
فى بحر الحب يوم أوصل
وأشوف الأصل ......قدامى

أقابل. تانى حورية .........
تداوى جرح طال بيا .....
ولما. أعطش ألقيها..........
بتسقى القلب ........ حنية

وتكتب ع الجبين أسمى
ومن نظرة تكون فهمانى
وأعود بيها.......بمركبنا
ويبقى الحب .... موكبنا
وللعشاق كدة نحكى
وبيها أعود للأوطانى .

{{ مركب أمل }}
بقلم الشاعر/ السيد أنور إبراهيم