ارحمي عيونك - للشاعرة المبدعة سامية سليمان

إرحمي عيونك ياغالية 
م الدموع
كل ده شايلاه ف قلبك
والضلوع
إرمي حملك ع اللي حبك
واللي حلمه يفوز بقلبك
واللي جوَّه النني شايلك
دا اللي راح
مش ناوي أبدا ع الرجوع

الرحيل مكتوب علينا
كاس علي كل البشر
والحياة لسّه ف إيدينا
ليه تضيع منا هدر
فيها لسّه شموس تنوّر
لسّه فيها كمان قمر

إنسي حزنك والعذاب
عيشي أحلام الشباب
وافتحي للحب باب
وان أمرتي
ماتلاقيش غير الخضوع

ليه تتوهي وتسرحي
عيشي عمرك وافرحي
وهاتي إيدك واسمحي
من جديد نرجع نقيد
كل الشموع

...

بقلمي : الشاعره سامية سليمان