دود القز - للشاعر الشعبي السيد انور ابراهيم

وبغزلك أنا من دمى ..........

لون الحنين فى كل الخيوط
وأعيش على أمل التمنى .....
وأزرع غيطان العشق توت

أصل الأصالة .....حكمة ومقالة
والحب نعمة .....لو فى التابوت

فقير لكن ...........!!!
عندى اللى مش عند الأمير
ولا عنة نسمع فى الأساطير
عندى التواضع والأيمان .......
عندى المحبة والحنان........
وبحس دايما بالفقير .........

وف عشقى ليكى كام ديوان
رمسيس يقول والنيل كمان
والحرف معنى للى يكتب .....
بس المعانى تفرق كتير......

صياد بغنى ع السمسمية
والموج أخدنى للقمرة دية
فى الفجر راكب مركبى
للرزق طالع والشبكة غية

وأخر نهارى .....أعود لدارى
تفرح صغارى .......برجعتى
أشوف على جبين الصغار
فرحة وبسمة ع الخدود
ويروح تعب طول النهار
لما لعيونهم تانى أعود

وأغزل تملى كل ليلة م الحنين
عقدالمحبة فى خيط جميل م الحرير
وأحكى لصغارى حكاية دود القز...
وأزاى حقيقى قلبة كبير .............

(( دود القز ))

بقلم الشاعر/السيد أنور إبراهيم