قصر الكلام - للشاعر المبدع ا. كاشف عبدالجواد

الأوله في الغرام
كلمة وليها معنى
ياما قلنا ياقلبي آااه‍
لا حد بينا حس
ولا حد هنا سمعنا ...
واهو جاار علياا زماني
وفاتني أعز الناس
اسمع كلامي ياخالي
دا مش كلام وخلاص
من يوم ما فاتني حبيبي
لا قولنا ولا سمعنا ...
والتانية في الغرام
قلقان عليك قلبي
ياللي غيابك طااال
ما نابني انا من غرامك
غير غربة وحيرة وألم
وشماتة العزال ...
الله يجازي النصيب
ويجازي اللي
اتسببلي أنا فيه
من يوم فراق الحبيب
والحال بقا غير الحال ...

والتالتة في الغرام
ايام وتنقضى
يا كلمة دهب
وكلمة كانت فضه ..
واحشني حبيبي
كلامك
وسؤالك عني
وسلامك ..
يا بعيد عني وقريب مني
الحسن من نور جبينك
ليلاتي يتوضى
حبيبي .....

والآخرة في الغرام
بختي وإحترت
واللا انا فيه
حظي قليل
واحترت فين أوديه
زعلان حبيبي
وقولت أنا أود ييه ...
خبتط على بابك
وأنا كلي أحبابك
عشمي تسامحني
جنابك
يتقولي آخرة إللي
أنا فيه دانا إييييه .....
**************************

قصر الكلام - للشاعر كاشف عبدالجواد
Kashef. 4 - 8 - 2017.